Բորիս Կոջո

Բորիս Կոջո; գերմ.՝ Boris Kodjoe
Ծնվել է	մարտի 8, 1973 (51 տարեկան)
Ծննդավայր	Վիեննա, Ավստրիա
Կրթություն	Վիրջինիայի համագործակցության համալսարան
Քաղաքացիություն	Ավստրիա, Գերմանիա և ԱՄՆ
Մասնագիտություն	դերասան, հեռուստատեսային դերասան, մոդել, կինոդերասան և թատրոնի դերասան
Ծնողներ	հայր՝ Eric Kodjoe?, մայր՝ Ursula Kodjoe?
Ամուսին(ներ)	Նիկոլ Արի Փարկեր
Երեխա(ներ)	Sophie Tei Naaki Lee Kodjoe?
	boris-world.com

Բորիս Կոջո (անգլ.՝ Boris Frederic Cecil Tay-Natey Ofuatey-Kodjoe, մարտի 8, 1973(1973-03-08)^[1]^[2], Վիեննա, Ավստրիա^[3]), գերմանացի դերասան և ավստրիական ծագմամբ նախկին մոդել, որը հիմնականում նկարահանվել է ԱՄՆ-ում։ Առավել հայտնի է «Պաշտպանության ներքո» հեռուստասերիալում խաղացած Սթիվեն Բլումի և «Չարի կացարան։ Կյանք մահից հետո», «Չարի կացարան։ Վրեժ» ֆիլմերում խաղացած Լյութոր Վեստի դերերով։

Վաղ կյանք

Կոջոն ծնվել է Վիեննայում (Ավստրիա)։ Նրա մայրը՝ Ուրսուլան, եղել է գերմանացի հոգեբան, իսկ հայրը՝ Էրիկ Կոջոն, գանացի բժիշկ^[4]։ Մայրական գծով նախատատը հրեա էր, մահացել է Հոլոքոստի ժամանակ, իսկ տատը պատերազմը վերապրել է ընդհատակում^[5]^[6]։ Նրա ծնողները բաժանվել են, երբ նա վեց տարեկան էր^[7]։

Կարիերա

2002 թվականին «People» ամսագիրը Կոջոյին անվանել է «աշխարհի 50 ամենագեղեցիկ մարդկանցից» մեկը։ 2002 թվականին նկարահանվել է «Շագանակագույն շաքարավազ» ֆիլմում և Նիկոլ Արի Փարկերի հետ «Սնունդ հոգու համար» սերիալի գլխավոր դերում (արդյունքում նրանք ամուսնացել են)։ 2005 թվականի հոկտեմբերին «Գոսպել» ֆիլմում կատարել է պաստոր Ֆրեդ Թեյլորի քմահաճ որդու՝ Դեյվիդ Թեյլորի դերը։ 2009 թվականին նկարահանվել է «Սուռոգատներ» ֆիլմում։ 2009 թվականի դեկտեմբերին հայտարարվել է, որ Կոջոն խաղալու է գլխավոր դեր «Պաշտպանության ներքո» սերիալում, որի պրեմիերան կայացել է 2010 թվականի սեպտեմբերին։ Նույն թվականին հանդես է եկել «Չարի կացարան։ Կյանք մահից հետո» ֆիլմում՝ Լյութոր Վեստի դերով, իսկ 2012 թվականին այդ դերը խաղացել է «Չարի կացարան։ Վրեժ» ֆիլմում։

2014 թվականին հեռուստատեսությամբ Կոջոն հիմնական դեր է ունեցել ABC ալիքի «Միայն անդամների համար» փրայմ թայմ սերիալում^[8]։

Անձնական կյանք

Կոջոն ազատ տիրապետում է ֆրանսերենին, գերմաներենին և անգլերենին, փոքր-ինչ էլ խոսում է իսպաներենով։ Նա ունի եղբայր՝ Պատրիկը, և քույր՝ Նադյան։

2005 թվականի մայսիս 21-ին Գերմանիայի Գունդելֆինգեն քաղաքում ամուսնացել է դերասանուհի Նիկոլ Արի Փարկերի հետ։ Նրանք ունեն երկու երեխա։ Առաջին երեխան՝ դուստրը՝ Սոֆին, ծնվել է 2005 թվականի մարտի 5-ին։ Նախքան ծնվելը նրա մոտ ախտորոշել են ողնաշարի ճեղքվածք^[9]։ Երկրորդ երեխան՝ որդին՝ Նիկոլյա Ներուդան, ծնվել է 2006 թվականի հոկտեմբերի 31-ին։ Նրանք ապրում են Ատլանտայում։

Ֆիլմագրություն


Տարի		Անվանում	Բնօրինակ անվանում	Դեր
2000	ֆ	Սեր և բասկետբոլ	Love & Basketball	Ջեյսոն
2002	ֆ	Շագանակագույն շաքարավազ	Brown Sugar	Քելբի Դևսեն
2004	ֆ	Հատուցում	Doing Hard Time	Միշել Միչել
2005	ֆ	Գոսպել	The Gospel	Դեյվիդ Թեյլոր
2006	ֆ	Մեդեայի ընտանիքի վերամիավորումը	Madea's Family Reunion	Ֆրենքի Հենդերսոն
2008	ֆ	Աստղային դեսանտ 3։ Կողոպտիչ	Starship Troopers 3: Marauder	գեներալ Դիքս Գաուզեր
2009	ֆ	Սուռոգատներ	Surrogates	Սթոուն
2010	ֆ	Չարի կացարան։ Կյանք մահից հետո	Resident Evil: Afterlife	Լյութոր Վեստ
2010	ս	Պաշտպանության ներքո	Undercovers	Սթիվեն Բլում
2012	ֆ	Չարի կացարան։ Վրեժ	Resident Evil: Retribution	Լյութոր Վեստ
2012	ֆ	Բուժքույր 3D	Nurse 3D	խուզարկու Ջոն Ռոգան
2013	ֆ	Ուղեբեռի տրամադրում	Baggage Claim	Գրեհեմ
2014	ս	Միայն անդամների համար	Members Only	Դիկոն
2015	ս	Վերջին մարդը երկրի վրա	The Last Man on Earth	Ֆիլ Միլեր №2
2017	մֆ	Ֆերդինանդ	Ferdinand	Կլաուս

Ծանոթագրություններ

↑ ^1,0 ^1,1 Internet Broadway Database — 2000.
↑ ^2,0 ^2,1 filmportal.de — 2005.
↑ ^3,0 ^3,1 ^3,2 Deutsche Nationalbibliothek Record #1061457672 // Gemeinsame Normdatei (գերմ.) — 2012—2016.
↑ Boris Kodjoe — The « All about Us» Interview
↑ Williams, Kam (2009). «Boris Kodjoe: The All about Us Interview with Kam Williams». aalbc.com. Վերցված է 2010 թ․ սեպտեմբերի 24-ին.
↑ The Gospel: Boris Kodjoe
↑ Boris Kodjoe Արխիվացված 2012-09-15 archive.today at superiorpics.com
↑ «Boris Kodjoe Joins ABC's 'The Club'; Yvette Monreal In El Rey's 'Matador'». Deadline.com. 27 марта 2014. Վերցված է 2014 թ․ ապրիլի 1-ին.
↑ Boris and Nicole Open Up About Sophie’s Spina Bifida Արխիվացված 2010-02-06 Wayback Machine, Celebrity Baby Blog, 15 January 2009.

Վիքիպահեստն ունի նյութեր, որոնք վերաբերում են «Բորիս Կոջո» հոդվածին։

[_9f27a4d55a9267b4-1] 1,0 ^1,1 Internet Broadway Database — 2000.

[_c8718b66a5e1f4b4-2] 2,0 ^2,1 filmportal.de — 2005.

[_70275a72112ce06b-3] 3,0 ^3,1 ^3,2 Deutsche Nationalbibliothek Record #1061457672 // Gemeinsame Normdatei (գերմ.) — 2012—2016.

[ref1-4] Boris Kodjoe — The « All about Us» Interview

[cbl-5] Williams, Kam (2009). «Boris Kodjoe: The All about Us Interview with Kam Williams». aalbc.com. Վերցված է 2010 թ․ սեպտեմբերի 24-ին.

[6] The Gospel: Boris Kodjoe

[7] Boris Kodjoe Արխիվացված 2012-09-15 archive.today at superiorpics.com

[8] «Boris Kodjoe Joins ABC's 'The Club'; Yvette Monreal In El Rey's 'Matador'». Deadline.com. 27 марта 2014. Վերցված է 2014 թ․ ապրիլի 1-ին.

[9] Boris and Nicole Open Up About Sophie’s Spina Bifida Արխիվացված 2010-02-06 Wayback Machine, Celebrity Baby Blog, 15 January 2009.

[1]

[2]

[3]

[4]

[5]

[6]

[7]

[8]

[9]